Toshkent, O‘zbekiston (UzDaily.uz) — Toshkent shahar favqulodda vaziyatlar boshqarmasi matbuot xizmati xabar berishicha, Olmazor tumanida avtobusda yong‘in sodir bo‘ldi.

Hodisa 20 fevral kuni ertalab TKAD ko‘chasida yuz berdi. Mercedes-Benz avtobusining yonib ketgani haqidagi xabar soat 07:41 da kelib tushgan.

To‘rt daqiqa ichida yong‘in o‘chirish-qutqaruv guruhi voqea joyiga yetib keldi va 07:50 da yong‘in to‘liq bartaraf etildi.

Dastlabki maʼlumotlarga ko‘ra, hodisa natijasida jabrlanganlar yo‘q.