Toshkent, O‘zbekiston (UzDaily.uz) — Bugun ertalab soat 8:10 atrofida Chilonzor tumani Bunyodkor ko‘chasida joylashgan MDIS institutining avtoturargohida yong‘in sodir bo‘ldi. To‘xtab turgan Nexia avtomobili yonib ketdi.

Chilonzor tumani Favqulodda vaziyatlar bo‘limi o‘t o‘chiruvchilarning tezkor aralashuvi natijasida olov tezda o‘chirildi. Hodisa natijasida jabrlanganlar yo‘q.

Ayni damda Yo‘l harakati xavfsizligi boshqarmasi (YHXB) va Favqulodda vaziyatlar boshqarmasi xodimlari tomonidan avtomashinadagi yong‘in sabablarini aniqlash bo‘yicha surishtiruv ishlari olib borilmoqda.