Toshkent, O‘zbekiston (UzDaily.uz) — 25-dekabrdan boshlab Toshkent shahrida maxsus "Sehrli avtobuslar" qatnovi yo‘lga qo‘yiladi, deb xabar bermoqda "Toshshahartansxizmat" AJ.

Ushbu avtobuslar yorqin Yangi yil bezaklari, girlyandalar, gulchambarlar, sharlar va bayram ramzlari bilan bezatilgan. Haydovchilar esa Qorbobo obrazida yo‘lovchilarni kutib oladi, bu esa barcha yo‘lovchilarga ertakona kayfiyat ulashadi.

Kompaniya ma’lumotiga ko‘ra, 2024-yil 25-dekabrdan boshlab ushbu avtobuslarda yosh yo‘lovchilarga maxsus sovg‘alar taqdim etiladi.

"Yangi yil — bu orzular va istaklar ro‘yobga chiqadigan vaqt! Bizning avtobuslarimizda sayohat qiling va bayramona kayfiyatni biz bilan birga his qiling", — deya ta’kidladi "Toshshahartansxizmat" AJ vakillari.