Toshkent, O‘zbekiston (UzDaily.uz) — Prezident Shavkat Mirziyoyev va Malayziya bosh vaziri Anvar Ibrohim ishtirokida ikki tomon o‘rtasida joriy yilning fevral oyida Malayziyada muzokaralar o‘tkazilgan. Hamkorlikni mustahkamlash maqsadida Toshkent viloyatida Malayziyaning yetakchi kompaniyasi boshqaruvida maxsus iqtisodiy zona tashkil etish rejalashtirilgan edi. 

Shu maqsadda, viloyat hokim Zoyir Mirzayev "MMC Corporation” kompaniyasi vakillaridan iborat delegatsiya bilan uchrashuv o‘tkazdi. Aytish mumkin, mazkur kompaniya 1911-yilda tashkil qilingan bo‘lib, bugungi kunda portlar va logistika, energetika, qurilish va muhandislik, sanoat industrial rivojlanish sohalariga ixtisoslashgan bir qancha kompaniyalarni o‘z ichiga olgan yirik korporatsiyaga aylangan. 

Uchrashuv davomida Piskent tumanida 120 gektar yer maydonida sanoat zonasini tashkil etish imkoniyatlari, shuningdek, uni rivojlantirish bilan bog‘liq masalalar, faoliyat yuritish istagini bildirgan investorlarga qo‘shimcha shart-sharoitlar yaratishga qaratilgan bir qator masalalar muhokama etildi. 

Maxsus iqtisodiy zonasi faqat eksportga yo‘naltirilgan loyihalarga ixtisoslashadi.