Toshkent, O‘zbekiston (UzDaily.uz) — Toshkent viloyatida kichik gidroenergetikani rivojlantirishning yangi bosqichi – 40 ta mikro GES (mikro GES) qurilishi rejalashtirilgan.

Ushbu maqsadlar uchun viloyatning shahar va tumanlari hududida joylashgan qishloq xoʻjaligida foydalanilmayotgan yerlardan Oʻzbekiston Respublikasi Energetika vazirligiga umumiy maydoni 6,59 gektar boʻlgan 40 ta yer uchastkasi doimiy foydalanish uchun ajratildi.

Ushbu ajratib berilgan nuqtalarda mikro gidroelektr stansiyalarni qurish uchun tashabbuskorlarni aniqlash maqsadida yer maydonlari auksion savdoga chiqariladi.

Mikro gidroelektr stansiyalar Piskent, Ohangaron, Bekobod, Yuqori Chirchiq, Bo'stonliq, Qibray, Chinoz, Bo'ka, Yangiyo'l, Zangiota tumanlari va Angren, Olmaliq, Bekobod, Chirchiq shaharlarida quriladi.

Bundan avval viloyatda 43 ta mikroGES qurilishi uchun yer maydonlari ajratish to'g'risida viloyat hokimining tegishli qarori imzolangan edi. 

Aytish mumkin, 264 ta nuqtada mazkur inshootlarni qurish uchun aniq hududlar belgilab olingan bo`lsa, shu kunga qadar, 102 ta hududda kichik GESlar qurilishi uchun yer maydonlari ajratilgan, hozirda qurilish ishlari boshlangan.