Toshkent, O‘zbekiston (UzDaily.uz) — 2025 yil 1 aprel holatiga ko‘ra, O‘zbekiston Respublikasi Davlat statistika qo‘mitasi maʼlumotlariga binoan, mamlakat bo‘yicha o‘rtacha aholi zichligi har bir kvadrat kilometrga 84 nafar kishini tashkil etdi.

Biroq, mamlakatning eng zich aholi yashaydigan hududlari haqida gap ketganda, yetakchilik Toshkent shahriga tegishli. Toshkent shahrida har bir kvadrat kilometrga 6 983,2 nafar kishi to‘g‘ri keladi, bu esa boshqa hududlar ko‘rsatkichlaridan ancha yuqori.

Toshkentdan so‘ng aholi zichligi bo‘yicha Andijon va Farg‘ona viloyatlari ajralib turadi. Andijon viloyatida aholi zichligi har bir kvadrat kilometrga 807,9 nafar, Farg‘ona viloyatida esa 615,7 nafar kishini tashkil qiladi. Bu hududlar O‘zbekistonning eng zich aholiga ega viloyatlaridan hisoblanadi.

Eng past aholi zichligi esa Navoiy viloyatida kuzatilgan — bu yerda har bir kvadrat kilometrga 9,9 nafar kishi, Qoraqalpog‘iston Respublikasida esa 12,2 nafar kishi to‘g‘ri keladi.

Hududlar kesimida aholi zichligi quyidagicha:

Qoraqalpog‘iston Respublikasi — 12,2 kishi

Andijon viloyati — 807,9 kishi

Buxoro viloyati — 51,8 kishi

Jizzax viloyati — 72,8 kishi

Qashqadaryo viloyati — 128 kishi

Navoiy viloyati — 9,9 kishi

Namangan viloyati — 422,7 kishi

Samarqand viloyati — 257,3 kishi

Surxondaryo viloyati — 147,3 kishi

Sirdaryo viloyati — 218,3 kishi

Toshkent viloyati — 206,2 kishi

Farg‘ona viloyati — 615,7 kishi

Xorazm viloyati — 337,1 kishi

Toshkent shahri — 6 983,2 kishi.