Toshkent, O‘zbekiston (UzDaily.uz) — O‘zbekiston Respublikasi statistika agentligi ma’lumotlariga ko‘ra, 2024-yilda Toshkent shahri yalpi hududiy mahsulot (YAHM) hajmi bo‘yicha barcha viloyatlar ichida yetakchi bo‘ldi. Joriy narxlarda uning hajmi 281,1 trln so‘mni tashkil etdi.

Ikkinchi o‘rinda Toshkent viloyati joylashib, uning YAHM hajmi 146,4 trln so‘mga yetdi. Uchinchi o‘rin esa Navoiy viloyatiga tegishli bo‘lib, bu yerda 117,3 trln so‘mlik YAHM qayd etildi.

Shuningdek, Samarqand (99,9 trln so‘m), Farg‘ona (91,3 trln so‘m) va Andijon (90,5 trln so‘m) viloyatlari ham yuqori iqtisodiy faollikni namoyon etdi.

Eng past iqtisodiy ko‘rsatkichlar Sirdaryo viloyati (28,0 trln so‘m) va Qoraqalpog‘iston Respublikasi (45,7 trln so‘m) da kuzatildi.

Ushbu raqamlar ayrim hududlardagi jadal iqtisodiy o‘sishni aks ettirib, mamlakatning kelgusi iqtisodiy prognozlari va strategik rivojlanish yo‘nalishlarini belgilashda muhim asos bo‘lib xizmat qilishi mumkin.