Toshkent, O‘zbekiston (UzDaily.uz) — Bugun, 6-noyabr kuni soat 16:00 da Qashqadaryo viloyatining Kitob tumani hududidan o‘tgan M-39 yo‘lining 1138 km.da "Kitob-Samarqand" yo‘nalishida harakatlangan "Cobalt" rusumli avtomobilni tog‘ qiyaligidan yog‘ingarchilik natijasida namlanish hisobiga nomustahkam xarsangtosh tushib, bosib qolgan.

Hodisa oqibatida avtomobil salonida bo‘lgan 3 nafar fuqaro vafot etgan.

Hodisa joyiga FVV qutqaruchilari, YPX, Tez tibbiy yordam hamda boshqa tegishli tashkilotlar xodimlari yetib borib, vaziyat oqibatlarini bartaraf etdi.

"Taxtaqoracha" dovoni transportlar harakati uchun tez orada qayta ochiladi.

Respublikamiz hududlaridagi dovonlar orqali harakatlanuvchi haydovchilardan yog‘ingarchilik mavsumidagi vaziyatdan kelib chiqib, ehtiyotkorlik choralarini ko‘rishlari, xavfli uchastkalarga transport vositalarini to‘xtatmasligi hamda ogohlantiruvchi va ta’qiqlovchi belgilarga rioya etishlarini so'raymiz