Toshkent, O‘zbekiston (UzDaily.uz) — 2025-yil 12-fevralda tashqi ishlar vaziri maslahatchisi Munira Aminova Isroilning O‘zbekistondagi Favqulodda va Muxtor Elchisi Gideon Lustig bilan uchrashuv o‘tkazdi.

Tijorat, qishloq xo‘jaligi, farmatsevtika, ta’lim va innovatsiyalar sohalaridagi hamkorlikni kengaytirishga alohida e'tibor qaratildi. Elchi Isroilning ushbu sohalarda O‘zbekiston mutaxassislariga MASHAV (Isroilning Xalqaro Hamkorlik Agentligi) orqali trening va kurslar taqdim etishga tayyorligini ma'lum qildi. Ushbu hamkorlik ikki mamlakat o‘rtasidagi aloqalarni mustahkamlashga va mutaxassislarning kasbiy malakalarini oshirishga yordam beradi.