Toshkent, O‘zbekiston (UzDaily.uz) — O‘zbekiston so‘mi AQSH dollariga nisbatan sezilarli darajada qimmatladi. Bu holat Rossiya rubli bilan kuchli korrelyatsiya natijasida sodir bo‘ldi.

2025 yil 20 mart holatiga ko‘ra, AQSH dollari 12 885 so‘mdan savdoga qo‘yilmoqda. Bir hafta ichida so‘m 0,11% ga mustahkamlandi. O‘tgan haftada esa kurs o‘zgarishsiz qolgan edi.

Ushbu haftada rublning mustahkamlanishi so‘mning qimmatlashishining asosiy sababi bo‘ldi. Chunki Rossiya va O‘zbekiston o‘rtasida mustahkam savdo-iqtisodiy aloqalar shakllanganligi bois, so‘m rubl dinamikasiga sezgirlik bilan reaksiya qiladi. Biroq hozircha so‘m kursining o‘zgarishida rublning texnik korrektirovkasining taʼsiri aks etmagan.

O‘zbekiston ichidagi iqtisodiy yangiliklar neytral holatda bo‘lib, 2025 yil yakunida so‘mning juda sekin devalvatsiyaga uchrashini kutish mumkin.

Kelasi haftada dollar/so‘m valyutalari kursi 12 850 – 12 950 so‘m oralig‘ida saqlanishi taxmin qilinmoqda.

Anna Bodrova, Alpari tahlilchisi