Toshkent, O‘zbekiston (UzDaily.uz) — Shuhrat Qayumov davlat oliy taʼlim muassasasi Cyber University rektori etib tayinlandi. Bu haqda tegishli qaror O‘zbekiston hukumati tomonidan qabul qilindi.

Shuhrat Qayumov Toshkent davlat texnika universiteti va Toshkent davlat iqtisodiyot universitetini tamomlagan. Shuningdek, Germaniya va Yaponiyaning yetakchi universitetlarida taʼlim olgan.

Cyber University davlat universiteti 2025 yil 20 yanvardagi Prezident qaroriga asosan tashkil etilgan.

Universitetning asosiy vazifasi — axborot va kiberxavfsizlik, raqamli texnologiyalar, raqamli iqtisodiyot, robototexnika, sunʼiy intellektdan foydalangan holda avtomatlashtirilgan axborot-tahlil tizimlarini ishlab chiqish sohalari bo‘yicha yuqori malakali mutaxassislarni tayyorlashdan iborat.

Universitetda ayniqsa raqamli texnologiyalar sohasida mutaxassislarni qayta tayyorlash va ularning malakasini oshirishga alohida eʼtibor qaratiladi.