Valyuta kurslari 03/04/2025
$1 – 12915.00
UZS – -0,08%
€1 – 13957.24
UZS – -0,18%
₽1 – 153.55
UZS – 0,64%
Qidirish
O‘zbekiston 31/03/2025 Senatda Xitoy Xalq Respublikasi delegatsiyasi bilan uchrashuv bo‘lib o‘tdi

Senatda Xitoy Xalq Respublikasi delegatsiyasi bilan uchrashuv bo‘lib o‘tdi

Toshkent, O‘zbekiston (UzDaily.uz) — Joriy yilning 31-mart kuni Oliy Majlis Senati Raisi Tanzila Narbayeva Xitoy Xalq Respublikasi Kommunistik partiyasi Markaziy qo‘mitasi aʼzosi, Xalqaro aloqalar bo‘limi boshlig‘i Lyu Szyanchao boshchiligidagi delegatsiya bilan uchrashuv o‘tkazdi.

Suhbat davomida ikki mamlakat rahbarlarining o‘zaro ishonch va do‘stona munosabatlari tufayli O‘zbekiston va Xitoy o‘rtasidagi hamkorlik strategik darajaga ko‘tarilgani alohida taʼkidlandi.

Investitsiya, savdo-iqtisodiy, madaniy-gumanitar, taʼlim sohalaridagi loyihalar muhokama qilindi. Ikki mamlakat hududlari o‘rtasidagi hamkorlikni chuqurlashtirishga alohida eʼtibor qaratildi.

Shuningdek, tomonlar O‘zbekiston va Xitoy o‘rtasidagi strategik sheriklikni yana-da rivojlantirish va parlamentlararo aloqalarni chuqurlashtirish masalalarini ham muhokama qildilar. Uchrashuvda ikki tomonlama munosabatlarni mustahkamlashning muhim mexanizmi sifatida parlamentlar o‘rtasida o‘zaro hamkorlik muhimligi taʼkidlandi.

Mamlakatimiz poytaxtida bo‘lib o‘tadigan Parlamentlararo ittifoqning 150-yubiley assambleyasi doirasidagi ikki tomonlama amaliy muloqotning istiqbollari yuzasidan fikr almashildi.

O‘z navbatida, Lyu Szyanchao ikki tomonlama munosabatlarda erishilgan muvaffaqiyatlarni yuqori baholab, Xitoy tomoni O‘zbekiston bilan barcha sohalarda, jumladan, iqtisodiyot, madaniyat, turizm va taʼlim sohalarida faol hamkorlikni davom ettirishga tayyorligini bildirdi.

Uchrashuv yakunida tomonlar ikki mamlakat o‘rtasidagi strategik sheriklik munosabatlarini yana-da mustahkamlash, shuningdek, umumiy strategik maqsadlarni amalga oshirishda muhim o‘rin tutadigan parlamentlararo aloqalarni chuqurlashtirish borasida qatʼiyatliligni tasdiqladi.

Eng so'nggi yangiliklardan xabardor bo'ling
Telegram kanalimizga obuna bo'ling