Toshkent, O‘zbekiston (UzDaily.uz) — Rossiya Federatsiyasi mudofaa vaziri Andrey Belousov rasmiy tashrif bilan O‘zbekistonga keldi, deb xabar bermoqda Rossiya Mudofaa vazirligi.

Tashrif doirasida Rossiya harbiy idorasi rahbari Toshkentda O‘zbekiston Respublikasi mudofaa vaziri general-mayor Shuhrat Halmuxamedov va mamlakatning harbiy-siyosiy rahbariyati bilan muzokaralar o‘tkazadi.

Rossiya Mudofaa vazirligi ma’lumotiga ko‘ra, tashrif davomida Markaziy Osiyo mintaqasida xavfsizlikni ta’minlash masalalari, shuningdek, Rossiya va O‘zbekiston o‘rtasidagi harbiy va harbiy-texnikaviy hamkorlik bo‘yicha masalalar muhokama qilinishi rejalashtirilgan.