Toshkent, O‘zbekiston (UzDaily.uz) — 2025-yil 29-yanvardan boshlab Qozog‘iston temir yo‘l transporti orqali benzin va dizel yoqilg‘isini eksport qilishga taqiq joriy etdi.

Energetika vazirligi ushbu qaror mamlakat ichki bozorida yoqilg‘i mahsulotlari tanqisligining oldini olish maqsadida qabul qilinganini ma’lum qildi.

Shu bilan birga, ayrim holatlar uchun istisnolar belgilandi. Jumladan, quyidagi hollarda yoqilg‘i eksport qilishga ruxsat beriladi: moylash materiallari, zavod-ishlab chiqaruvchi tomonidan transport vositalari uchun ko‘zda tutilgan yoqilg‘i baklaridagi yoqilg‘i, ilmiy-tadqiqot ishlari uchun mo‘ljallangan aviayoqilg‘i va gumanitar yordam doirasida eksport qilinadigan ayrim turdagi neft mahsulotlari.

Bundan tashqari, benzinni tasdiqlangan yetkazib berish rejalari asosida eksport qilish, shuningdek, tabiiy ofatlarning oqibatlarini bartaraf etish yoki gumanitar yordam doirasida neft mahsulotlarini olib chiqish mumkin bo‘ladi.

Temir yo‘l transporti orqali neft mahsulotlarini eksport qilish taqiqlari 2025-yil 1-fevraldan 29-martgacha amal qiladi.