Toshkent, O‘zbekiston (UzDaily.uz) — Qanot Sharq aviakompaniyasi «Toshkent – Shanxay» yo‘nalishi bo‘yicha ilk to‘g‘ridan-to‘g‘ri parvozni muvaffaqiyatli amalga oshirdi. Bu ikki strategik muhim megapolis — O‘zbekiston va Xitoy shaharlari o‘rtasida muntazam havo qatnovining boshlanishi bo‘ldi.

Reyslar haftasiga ikki marta — dushanba va payshanba kunlari amalga oshiriladi. Bu mamlakatlar o‘rtasida transport oqimlarini jadallashtirish, logistika jarayonlarini soddalashtirish va savdo-iqtisodiy aloqalarni mustahkamlash imkonini beradi.

Toshkent va Shanxay o‘rtasida to‘g‘ridan-to‘g‘ri parvozlar investitsiyaviy hamkorlikni kengaytirish, turistik almashinuvni faollashtirish va madaniy aloqalarni mustahkamlashda yangi imkoniyatlarni ochadi.

Ushbu yangi havo qatnovi biznes doiralar o‘rtasidagi hamkorlikni yengillashtiradi, tijorat yuklarining tez yetkazib berilishini taʼminlaydi va ikki tomonlama savdo uchun qo‘shimcha rag‘bat sifatida xizmat qiladi.