Toshkent, O‘zbekiston (UzDaily.uz) — Qamchiq dovonida old g‘ildiragi nosoz bo‘lganligi sababli yuk mashinasi yonib ketdi. Bu haqda O‘zbekiston IIV Yo‘l harakati xavfsizligi xizmati xabar berdi.

Hodisa 2024-yil 5-noyabr kuni soat 13:30da A-373 avtomobil yo‘lining 258-kilometrida Qamchiq dovoni orqali Toshkent-Vodiy yo‘nalishida sodir bo‘lgan.

Hodisa oqibatida jabrlanganlar yo‘q.

Yo‘l harakati politsiyasi va Favqulodda vaziyatlar vazirligi voqea joyida bo‘lib, vaziyatni to‘liq nazoratga olgan.

Yo‘lning ushbu qismida harakat vaqtinchalik to‘xtatildi va yong‘in o‘chirilgandan so‘ng darhol tiklanadi.