Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yilning yanvar–oktyabr oylarida O‘zbekistonni 9,7 million xorijiy turistlar ziyorat qilgan. Bu 2024 yilning shu davriga nisbatan 3,2 million nafarga ko‘p bo‘lib, o‘sish 50 foizni tashkil etdi.
Qo‘shni davlatlar tashrif buyuruvchilar soni bo‘yicha yetakchilik qilishda davom etmoqda: Qirg‘iziston — 2,8 million kishi, Qozog‘iston — 2,3 million, Tojikiston — 2,2 million.
Keyingi o‘rinlarda Rossiya (851,9 ming), Afg‘oniston (388,2 ming) va Turkmaniston (308,9 ming) keladi.
Xorijiy davlatlar orasida O‘zbekistonga eng ko‘p Xitoy (217,7 ming), Turkiya (148,1 ming), Hindiston (66,1 ming) va Koreya Respublikasi (41,6 ming) fuqarolari tashrif buyurgan.
