Toshkent, O‘zbekiston (UzDaily.uz) —25-dekabr kuni Toshkent shahridagi Alisher Navoiy nomidagi O‘zbekiston Milliy kutubxonasi oldida joylashgan bosh yangi yil archasi tantanali ravishda ochildi.

Archaning balandligi 33 metrni, yulduz bilan birga esa 35 metrni tashkil qiladi. Archa 33 mingta o‘yinchoq va umumiy uzunligi 14 ming metr bo‘lgan 3500 ta girlyanda bilan bezatilgan.

Bosh archadan tashqari maydonda to‘rtta kichik archa, 300 dan ortiq bezak elementlari va bayram tadbirlari uchun katta sahna o‘rnatilgan.

Archa 10-yanvargacha tashrif buyuruvchilar uchun ochiq bo‘ladi.