O‘zbekistonda 2024 yilda 814 ming tonnaga yaqin karam yetishtirildi

Toshkent, O‘zbekiston (UzDaily.uz) — O‘zbekistonda 2024 yil davomida 814,3 ming tonna karam ishlab chiqarilgan. Bu haqda Milliy statistika qo‘mitasi maʼlumotlarida qayd etilgan.

Maʼlumotlarga ko‘ra, hosilning asosiy qismi dehqon va yordamchi xo‘jaliklar hissasiga to‘g‘ri kelib, ular 535,8 ming tonna karam yig‘ib olgan.

Fermer xo‘jaliklari tomonidan 209,9 ming tonna, qishloq xo‘jaligi tashkilotlari tomonidan esa 68,6 ming tonna mahsulot yetishtirilgan.