Шавкат Мирзиёев Президент сайловида ғолиб чиқди

Тошкент, Ўзбекистон (UzDaily.uz) -- Ўзбекистон Республикаси Марказий сайлов комиссиясининг дастлабки маълумотларига кўра, 2016-йилнинг 4-декабрь куни бўлиб ўтган Президент сайловида Шавкат Мирзиёев ғолиб чиқди.

2016-йилнинг 5-декабрь куни бўлиб ўтган брифингда Ўзбекистон Республикаси Марказий сайлов комиссияси раиси Мирзо-Улуғбек Абдусаломов, 2016-йилнинг 4-декабрь куни ўтказилган Ўзбекистон Республикаси Президенти сайловида Шавкат Мирзиёев учун 88,61 фоиз, ёки 15,906 млн. нафар сайловчилар овоз берганлигини маълум қилди.

Эслатиб ўтамиз, Шавкат Мирзиёевнинг номзоди Ўзбекистон Тадбиркорлар ва ишбилармонлар ҳаракати — Либерал-демократик партияси (ЎзЛиДеП)дан кўрсатилган эди.

“Ўзбекистон Республикаси Президентига сайловлар тўғрисида”ги Қонуннинг 35-моддасига биноан Шавкат Мирзиёевни мамлакат раҳбарлигига сайланган деб ҳисоблаш ҳуқуқини беради.

Сайловда 17,951 млн. нафар фуқаро иштирок этди, бу сайлаш ҳуқуқи бўлган ва рўйхатга киритилган барча сайловчиларнинг 87,73 фоизини ташкил этади. “Ўзбекистон Республикаси Президентига сайловлар тўғрисида”ги Қонуннинг 35-моддасига биноан Ўзбекистон Республикасига Президент сайлови ўтган ҳисобланади.

Сайловда иштирок этган қолган номзодлар қуйидагича овоз олдилар: Хатамжон Кетмонов 3,73 фоиз, Наримон Умаров 3,46 фоиз ва Сарвар Отамуратов 2,35 фоиз.

Ўзбекистон Республикаси Марказий сайлов комиссияси раиси Мирзо-Улуғбек Абдусаломовнинг қайд этишича, Ўзбекистон Республикаси Президентига сайловлар натижаси 2016-йилнинг 14-декабригача ОАВ да чоп этилади.