Toshkent, O‘zbekiston (UzDaily.uz) — Portugaliya terma jamoasining sobiq bosh murabbiyi Paulu Bentu O‘zbekiston milliy jamoasi bosh murabbiyi lavozimi uchun nomzod sifatida ko‘rib chiqilmoqda, deya xabar bermoqda «Chempionat Aziya» nashri.

56 yoshli mutaxassis klub va terma jamoa futbolida katta tajribaga ega. Turli yillarda u “Sporting”, “Kruzeyro”, “Olimpiakos” va «Chunsin Lifan» jamoalarini boshqargan. Terma jamoalar darajasida esa Bentu 2010–2014 yillarda Portugaliya, 2018–2022 yillarda Janubiy Koreya terma jamoalarini boshqargan, 2023–2025 yillarda esa BAA milliy jamoasi bilan ishlagan.

Bundan avval O‘zbekiston futbol assotsiatsiyasi Turkiya terma jamoasining sobiq bosh murabbiyi Fatix Terimga taklif yo‘llagani, undan oldin esa Yoaxim Lyov taklifni rad etgani xabar qilingan edi. Endi esa bosh murabbiy lavozimi uchun bir nechta nomdor mutaxassis asosiy daʼvogarlar qatorida ko‘rib chiqilmoqda.