Toshkent, O‘zbekiston (UzDaily.uz) — Joriy yilning 15-18 aprel kunlari Investitsiyalar, sanoat va savdo vaziri oʻrinbosari Ilzat Kasimov boshchiligidagi delegatsiya Ulan-Batorga (Moʻgʻuliston) tashrif buyurdi.

Tashrif davomida Yoʻl va transport vazirligi, Tashqi ishlar vazirligi, Oziq-ovqat, qishloq xoʻjaligi va yengil sanoat vazirligi, Iqtisodiy rivojlanish vazirligi, Madaniyat, sport, turizm va yoshlar vazirliklari, Sanoat va mineral resurslar vazirliklari, Moʻgʻuliston Milliy savdo palatasi rahbarlari bilan uchrashuvlar boʻlib oʻtdi.

Uchrashuvlarda yuqori va oliy darajadagi rejalashtirilgan tadbirlarga tayyorgarlik koʻrish, joriy yilning fevral oyida boʻlib oʻtgan Oʻzbekiston va Moʻgʻuliston hukumatlararo komissiyasining birinchi yigʻilishida erishilgan kelishuvlarni amalga oshirishni jadallashtirish, Moʻgʻuliston bilan strategik sheriklikni mustahkamlash, savdo, transport va logistika sohasidagi hamkorlikni rivojlantirish masalalari muhokama qilindi.