Toshkent, O‘zbekiston (UzDaily.uz) — “O‘zgidromet” maʼlumotiga ko‘ra, 25 apreldan 30 aprelgacha O‘zbekistonning sakkizta hududida yog‘adigan yomg‘irlar sabab sel va toshqin hodisalari yuzaga kelishi kutilmoqda. Sel va toshqin xavfi quyidagi viloyatlarning tog‘ oldi va tog‘li hududlarida prognoz qilinmoqda:

Qashqadaryo viloyatida — Yakkabog‘, Dehqonobod, Chiroqchi, Qarshi, Shahrisabz, Kamashi va G‘uzor tumanlarida.

Surxondaryo viloyatida — Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrabot tumanlarida.

Samarqand viloyatida — Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlarida.

Jizzax viloyatida — Zaamin, Baxmal, G‘allaorol, Sharaf Rashidov, Forish va Yangiobod tumanlarida.

Toshkent viloyatida — Ohangaron, Bo‘stonliq, Parkent, Piskent, O‘rta Chirchiq va Yuqori Chirchiq tumanlarida, shuningdek Angren va Olmaliq shaharlarida.

Namangan viloyatida — Pop, Kosonsoy, Chortoq, Cho‘st, Namangan va Yangiqo‘rg‘on tumanlarida.

Farg‘ona viloyatida — So‘x, Farg‘ona va Beshariq tumanlarida.

Andijon viloyatida — Andijon, Asaka, Jalolquduq, Qo‘rg‘ontepa, Paxtaobod, Izboskan, Xo‘jaobod va Marhamat tumanlarida, shuningdek Xonobod shahrida.

Ushbu hududlarda yashovchi aholiga, shuningdek dam oluvchilar va tog‘li hududlarga safar qilishni rejalashtirayotgan haydovchilarga ehtiyot choralarini ko‘rish tavsiya etiladi.

Baʼzi hududlarda yomg‘ir suvlarining to‘planishi va shu sababli yerlarning suv ostida qolish xavfi mavjud.