Toshkent, O‘zbekiston (UzDaily.uz) — O'zbekistonning Yevropa Ittifoqidagi missiyasi rahbari G'ayrat Fozilov Yevropa komissiyasi Prezidenti Ursula fon der Lyayega ishonch yorliqlarini topshirdi, deb xabar qilmoqda "Dunyo" AA muxbiri.

Tantanali marosimdan so'ng bo'lib o'tgan suhbat chog'ida Yevropa komissiyasi prezidenti Ursula fon der Lyaye joriy yil aprel oyida bo'lib o'tgan birinchi "Markaziy Osiyo – Yevropa Ittifoqi" sammiti yakunlarini yuksak baholadi.

Yevrokomissiya rahbari YEIning O'zbekiston va Markaziy Osiyo davlatlari bilan o'zaro manfaatli hamkorlikni yana-da chuqurlashtirish tarafdori ekanini tasdiqladi.