Toshkent, O‘zbekiston (UzDaily.uz) — 2024 yilda O‘zbekistonda har 100 ta xonadonga o‘rtacha 58 ta yengil avtomobil to‘g‘ri kelmoqda, deb xabar beradi Milliy statistika qo‘mitasi.

Bu ko‘rsatkich mamlakatda avtomobilizatsiya darajasi barqaror o‘sib borayotganini tasdiqlaydi.

Xususan, 2020 yilda bu raqam 49 ta avtomobilni tashkil qilgan, 2015 yilda — 42 ta, 2010 yilda esa 21 ta avtomobildan oshmagan. Bu esa so‘nggi o‘n yilliklarda aholining yengil avtomobillar bilan taʼminlanish darajasi sezilarli ravishda oshganini ko‘rsatadi.