Toshkent, O‘zbekiston (UzDaily.uz) — O‘zbekistonda dronlarning havo makonidagi harakatini rejalashtirish va nazorat qilish uchun mo‘ljallangan ATM Safe Sky tizimi joriy etildi.

Innovatsion tizim «O‘zaeronavigatsiya» markazi tomonidan taqdim etildi. U mintaqadagi birinchi loyihalardan biri bo‘lib, dronlarning to‘qnashuvlarini oldini olish va uchish xavfsizligini ta’minlash maqsadida yaratilgan. Uchuvchisiz uchish apparatlarining tijorat va davlat sohalarida ko‘payib borayotganidan kelib chiqib, bu muhim qadam hisoblanadi.

ATM Safe Sky dasturi shaxsiy kompyuterlar va iOS hamda Android operatsion tizimli mobil qurilmalarga o‘rnatish uchun mo‘ljallangan. Avtorlashtirilgan foydalanuvchilarga real vaqt rejimida rejalashtirilgan uchishlar haqida ma’lumot olish imkoniyati yaratiladi.

Tizim ishlab chiquvchilarining keyingi rejalarida dronlarning joylashuvini kuzatish funksiyasini joriy etish va uchish uchun arizalarni mobil ilovalar orqali topshirish imkoniyatini ta’minlash o‘rin olgan.

«O‘zaeronavigatsiya» markazi eslatib o‘tganidek, O‘zbekistonda dronlarni uchirish faqat 2022-yil 15-noyabrdagi Vazirlar Mahkamasining qaroriga muvofiq litsenziya olingan holdagina mumkin.