Toshkent, O‘zbekiston (UzDaily.uz) — O‘zbekistonda 2025 yilning yanvar–iyun oylarida benzin, neft va tabiiy gaz ishlab chiqarish hajmi pasaydi, biroq ko‘mir qazib olish va dizel yoqilgisi ishlab chiqarishda o‘sish kuzatildi.

Milliy statistika qo‘mitasi maʼlumotiga ko‘ra, hisobot davrida mamlakatda qator yoqilg‘i-energetika resurslari bo‘yicha ishlab chiqarish hajmi kamaygan.

Jumladan, tabiiy gaz qazib olish hajmi 21,78 milliard kub metrni tashkil qildi, bu 2024 yilning shu davriga nisbatan 3,1% kamaygan. Neft sohasida ham shunga o‘xshash dinamika kuzatildi — 6 oyda respublikada 323,8 ming tonna neft qazib olindi, bu esa o‘tgan yilga nisbatan 11,2% kamayganligini anglatadi.

Eng katta pasayish avtomobil benzini ishlab chiqarishda qayd etildi — ushbu ko‘rsatkich 14,8%ga kamayib, 575,6 ming tonnani tashkil etdi.

Shu bilan birga, ko‘mir sanoatida ijobiy o‘sish kuzatildi: yarim yilda 3,07 million tonna ko‘mir ishlab chiqarildi, bu o‘tgan yilgi ko‘rsatkichdan 16,5%ga ko‘pdir.

Dizel yoqilgisi ishlab chiqarishda ham o‘sish qayd etildi. 2025 yilning birinchi yarim yilligida mamlakatda 557,5 ming tonna dizel yoqilgisi ishlab chiqarildi, bu esa 2024 yilning shu davriga nisbatan 10,4%ga ko‘pdir.