Toshkent, O‘zbekiston (UzDaily.uz) — 2025 yil yanvar–iyul oylarida O‘zbekiston Respublikasida bajarilgan qurilish ishlari hajmi 162 947,7 mlrd so‘mni tashkil etdi. Bu ko‘rsatkich o‘tgan yilning shu davriga nisbatan 110,7 foizni tashkil qildi.

Qurilish ishlarining asosiy qismi binolar va inshootlarni barpo etishga to‘g‘ri kelib, ularning ulushi 68,7 foizni tashkil etdi. Bu 2024 yil darajasiga nisbatan 102,9 foizga teng.

Fuqarolik obyektlarini qurish ishlari ulushi 20,9 foizni tashkil etib, 125,2 foizga o‘sdi. Mutaxassislashtirilgan qurilish ishlari esa tuzilmada 10,4 foizni tashkil etib, o‘tgan yilga nisbatan 50,1 foizga ko‘paydi.

Hisobot davrida yirik qurilish tashkilotlari 36 199,0 mlrd so‘mlik ishlar bajardi. 2024 yilning yanvar–iyul oylariga nisbatan ularning hajmi 13,7 foizga oshdi, ulushi esa 0,7 foiz punktga o‘sib, 22,2 foizga yetdi.

Qurilish ishlarining 52,6 foizi kichik korxonalar va mikrofirmalar hissasiga to‘g‘ri keldi. Ularning umumiy hajmi 85 727,4 mlrd so‘mni tashkil qilib, o‘tgan yilga nisbatan 9,2 foizga oshgan.

Yirik tashkilotlar tomonidan bajarilgan qurilish ishlari eng yuqori o‘sish surʼatlari Andijon viloyatida (2024 yilga nisbatan 230,9 foiz), Jizzax viloyatida (171,2 foiz) va Sirdaryo viloyatida (169,5 foiz) qayd etildi.

Norasmiy sektorda esa 41 021,2 mlrd so‘mlik qurilish ishlari bajarildi. Bu umumiy hajmning 25,2 foizini tashkil qilib, o‘tgan yilning shu davriga nisbatan 11,2 foizga o‘sgan.