Toshkent, O‘zbekiston (UzDaily.uz) — 2025-yil 14-iyul kuni Investitsiyalar, sanoat va savdo vazirining o‘rinbosari Xurram Teshabayev Vengriya Tashqi ishlar va tashqi iqtisodiy aloqalar vazirligining energetika xavfsizligi bo‘yicha davlat kotibi o‘rinbosari Chaba Maroshvari boshchiligidagi vengriya delegatsiyasi bilan uchrashuv o‘tkazdi.

Uchrashuvda “Uzatom” atom energetikasini rivojlantirish agentligi direktori Azim Ahmedhajayev, diplomatik korpus va biznes vakillari ham ishtirok etdi.

Tomonlar energetika sohasidagi hamkorlikni kengaytirish istiqbollari, sanoat kooperatsiyasi imkoniyatlari va qo‘shma tashabbuslarni amalga oshirish masalalarini muhokama qildilar. Texnologik hamkorlik va biznes aloqalarni chuqurlashtirish masalalariga alohida e’tibor qaratildi.