Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov Turkiya tashqi ishlar vaziri Hakan Fidan bilan uchrashdi.

Muzokaralar chog‘ida tomonlar muntazam aloqalar ikki davlat o‘rtasidagi strategik sheriklikni mustahkamlashga hissa qo‘shayotganini taʼkidladilar.

Xususan, oliy darajada erishilgan kelishuvlarni amalga oshirish va Toshkentda bo‘lib o‘tadigan Oliy darajadagi strategik hamkorlik kengashining to‘rtinchi majlisiga tayyorgarlik masalalariga alohida eʼtibor qaratildi.

Shuningdek, Preferensial savdo to‘g‘risidagi bitimni yangilash va ikki tomonlama kun tartibining boshqa dolzarb masalalari muhokama qilindi.