Toshkent, O‘zbekiston (UzDaily.uz) — Joriy yilning 5-fevral kuni Kuala-Lumpurda Malayziya-O‘zbekiston biznes-forumi bo‘lib o‘tadi. U ikki davlat tadbirkorlari va davlat vakillari o‘rtasida o‘zaro manfaatli hamkorlikni rivojlantirish uchun muhim platformaga aylanadi.

Forum doirasida O‘zbekiston va Malayziya vakillari tomonidan taqdimotlar o‘tkazilishi rejalashtirilgan bo‘lib, ularda iqtisodiy hamkorlik masalalari muhokama qilinadi va ekspertlarning chiqishlari bo‘lib o‘tadi.

Shuningdek, B2B va G2B shaklida muzokaralar o‘tkazilishi rejalashtirilgan, ular davomida istiqbolli loyihalar va hamkorlik aloqalarini o‘rnatish imkoniyatlari ko‘rib chiqiladi.

Forumning asosiy maqsadi ikki davlat o‘rtasida savdo-iqtisodiy va investitsion aloqalarni mustahkamlash, yangi biznes imkoniyatlarini yaratish va ilmiy-texnikaviy hamkorlikni rivojlantirishdir.