Toshkent, O‘zbekiston (UzDaily.uz) — 2025-yil 5-iyul kuni Toshkentda Oʻzbekiston-Koreya biznes-forumi boʻlib oʻtdi, unda ikki mamlakatning 100 dan ortiq ishbilarmon va davlat doiralari vakillari ishtirok etdi. Tadbir Ulsan shahri delegatsiyasining rasmiy tashrifi doirasida tashkil etildi.

Ishtirokchilarga, jumladan, energetika, elektrotexnika sanoati, turizm va boshqa sohalardagi loyihalar taqdim etildi. Qoʻshma loyihalarni ragʻbatlantirish va ishlab chiqarish kooperatsiyasini rivojlantirish masalalari muhokama qilindi.

Shuningdek, tadbir doirasida ikki mamlakat biznes va davlat vakillari oʻrtasida B2B va B2G uchrashuvlar oʻtkazildi.

Forum yakunida «yashil» energetika sohasida koʻp tomonlama hamkorlik toʻgʻrisida bitim imzolandi.