Toshkent, O‘zbekiston (UzDaily.uz) — O‘zbekiston Respublikasi Raqamli texnologiyalar vazirligi delegatsiyasining Koreya Respublikasiga xizmat safari doirasida Koreya ilg‘or fan va texnologiya instituti (KAIST) bilan uchrashuv o‘tkazildi.

Uchrashuvda vazir o‘rinbosari R. Karimjonov hamda KAIST instituti rahbariyati onlayn tarzda ishtirok etdi.

Muzokaralarda O‘zbekistonda «Uz-AIST» o‘quv kampusini tashkil etish masalalari muhokama qilindi. Shuningdek, KAIST ta’lim modeli va tizimi asosida O‘zbekistonda oliy ta’lim va tadqiqot institutini tashkil etish uchun texnik-iqtisodiy asoslash tadqiqotini o‘tkazish yuzasidan kelishuvga erishildi. Uchrashuv yakunida tomonlar o‘rtasida anglashuv memorandumi imzolandi.

Ma’lumot uchun: KAIST – Koreyadagi birinchi va eng nufuzli fan va texnologiya universiteti bo‘lib, innovatsiyalar sohasida yetakchi hisoblanadi.