Toshkent, O‘zbekiston (UzDaily.uz) — Jakartada Turizm qo‘mitasi raisi U. Shadiyev Indoneziyaning Din ishlari vaziri N. Umar bilan uchrashuv o‘tkazdi. Muzokaralarda Din ishlari qo‘mitasi raisining birinchi o‘rinbosari D. Mahsudov ham ishtirok etdi.

Uchrashuv davomida vazir O‘zbekistonda indoneziyalik sayyohlarni, ayniqsa ziyorat va boshqa turizm turlari bilan qiziquvchilarni jalb etish uchun barcha sharoitlar mavjud ekanligini taʼkidladi.

Uchrashuv yakunida tomonlar ziyorat turizmi yo‘nalishlarini va “Umra+” dasturini indoneziyalik mutaxassislar ishtirokida ishlab chiqish bo‘yicha hamkorlik qilishga kelishib oldi. Shuningdek, islom taʼlim muassasalari talabalari uchun taʼlimiy turizm dasturlarini kengaytirish bo‘yicha qaror qabul qilindi.