Toshkent, O‘zbekiston (UzDaily.uz) — 2024-yil 26-noyabr kuni Kashkaysh shahrida (Portugaliya) bo‘lib o‘tgan BMT Sivilizatsiyalar alyansining 10-forumi doirasida O‘zbekiston Respublikasi tashqi ishlar vazirining birinchi o‘rinbosari Bahromjon A’loyev va BMT Sivilizatsiyalar Alyansining Oliy vakili Migel Anxel Moratinos o‘rtasida uchrashuv bo‘lib o‘tdi. 

Muloqot chog‘ida Migel Anxel Moratinos O‘zbekiston va Sivilizatsiyalar Alyansi o‘rtasidagi hamkorlikni yanada chuqurlashtirishga tayyorligini bildirdi. U O‘zbekistonning madaniyatlararo va dinlararo muloqotni mustahkamlash borasidagi sa’y-harakatlarini yuqori baholab, joriy yilning sentabr oyida BMT Bosh Assambleyasining 79-sessiyasi doirasida “Barqaror rivojlanish maqsadlariga erishishni jadallashtirish uchun madaniyatlararo va sivilizatsiyalararo muloqotni rivojlantirish” mavzusidagi yuqori darajadagi tadbir muvaffaqiyatli o‘tkazilganini qayd etdi. 

Bo‘lajak qo‘shma tadbirlar jadvali ko‘rib chiqildi.