Toshkent, O‘zbekiston (UzDaily.uz) — Tog‘-kon sanoati va geologiya vaziri B.Islamov Traxys North America LLC kompaniyasi prezidenti Mark Kristoff boshchiligidagi delegatsiyasi bilan uchrashuv o‘tkazdi.
Uchrashuvda xorij delegatsiyasi vakillariga O‘zbekistonda tog‘-kon sanoati va geologiya sohasidagi islohotlar haqida ma’lumot berildi.
Shuningdek, xalqaro hamkorlikni mustahkamlash, geologiya qidiruv ishlari hamda sanoat ishlab chiqarish jarayonlariga investitsiyalarni jalb etish masalalari muhokama qilindi.
