Toshkent, O‘zbekiston (UzDaily.uz) — 12 iyun kuni O‘zbekiston Respublikasi Tashqi ishlar vaziri Baxtiyor Saidov mamlakatdagi diplomatik missiyasini yakunlayotgan Rossiya Federatsiyasining Favqulodda va Muxtor Elchisi Oleg Malginov bilan uchrashuv o‘tkazdi.

Suhbat chog‘ida o‘zbek-rossiya ittifoqchilik va strategik sheriklik munosabatlarini yana-da mustahkamlashga doir dolzarb masalalar muhokama qilindi. Tomonlar o‘zaro manfaatlarga asoslangan qo‘shma loyihalarni qo‘llab-quvvatlash va ikki tomonlama aloqalarni chuqurlashtirishga bo‘lgan qatʼiy intilishni tasdiqladilar.

Vazir elchiga O‘zbekistondagi samarali faoliyati uchun minnatdorlik izhor etib, uning keyingi kasbiy faoliyatida muvaffaqiyatlar tiladi.