Toshkent, O‘zbekiston (UzDaily.uz) — 17-dekabr kuni O‘zbekiston Respublikasi Tashqi ishlar vaziri Baxtiyor Saidov Birlashgan Arab Amirliklari elchisi Said Matar Al-Kamzi bilan uchrashuv o‘tkazdi.

Uchrashuv davomida tomonlar ikki tomonlama munosabatlarning ijobiy sur’ati haqida fikr bildirdilar va hamkorlikni yanada kengaytirish zarurligini ta’kidladilar.

Tomonlar kelgusi yil uchun rejalashtirilgan aniq tadbirlarni muhokama qilib, iqtisodiy hamkorlikni yangi bosqichga olib chiqishga kelishib oldilar.