Toshkent, O‘zbekiston (UzDaily.uz) — 19 mart kuni Toshkentda tadbirkorlar bilan uchrashuvda O‘zbekiston Prezidenti Shavkat Mirziyoyev qo‘shilgan qiymat solig‘i (QQS) va foyda solig‘i stavkalari 2028 yil 1 yanvargacha oshirilmasligini maʼlum qildi. Bu haqda davlat rahbari matbuot xizmati xabar berdi.

Bundan tashqari, mamlakatda kichik va o‘rta biznes subyektlariga qo‘shimcha talablar va majburiyatlar yuklashi mumkin bo‘lgan meʼyoriy hujjatlarni qabul qilishga moratoriy joriy etiladi.

Prezident shuningdek, agrar sohada faoliyat yuritayotgan tadbirkorlarning o‘z vaqtida to‘lanmagan soliq qarzlari uchun to‘plangan 1 trln so‘m miqdoridagi jarimalar bekor qilinishini eʼlon qildi.