Toshkent, O‘zbekiston (UzDaily.uz) — Tashrifning ishbilarmonlik dasturi doirasida O‘zbekiston Respublikasi Prezidenti Shavkat Mirziyoyev "Fouad Alghanim & Sons" kompaniyasi rahbari Fadi Xaddadni qabul qildi.

1965-yilda tashkil etilgan xolding avtomobilsozlik, qurilish, energetika, neft-gaz, savdo, kema qurilishi, aviatsiya, telekommunikatsiya, turizm va ko‘chmas mulk sohalarida faoliyat yuritmoqda.

"Fouad Alghanim & Sons" kompaniyasining davlat-xususiy sheriklik shartlari asosida sog‘liqni saqlash va ta’lim obyektlarini qurish rejalari qo‘llab-quvvatlandi.