Toshkent, O‘zbekiston (UzDaily.uz) — 2025 yil iyul oyi yakuniga ko‘ra, O‘zbekiston bank sektori kredit portfeli 0,1 foizga o‘sib, 576,2 trln. so‘mdan ($45,4 mlrd) oshdi. Shu bilan birga, sektordagi muammoli kreditlar (NPL) ulushi 3,8 foizdan 3,9 foizga ko‘tarildi.

Davlat banklarida NPL ko‘rsatkichi 3,8 foizdan 4,0 foizga o‘sgan bo‘lsa, xususiy banklarda muammoli kreditlar ulushi 3,9 foizdan 3,8 foizga pasaydi. Muammoli kreditlar ulushi eng ko‘p qisqargan banklar qatoriga «Garant bank» (16,7 foizdan 14,7 foizga), «Saderat bank» (6,3 foizdan 4,3 foizga), «AVO bank» (11,1 foizdan 9,8 foizga) va «Madad invest bank» (5,5 foizdan 4,6 foizga) kirdi.

Muammoli kreditlar ulushi oshgan banklar orasida «Poytaxt bank» (3,2 foizdan 5,7 foizga), «Yangi bank» (8,3 foizdan 9,8 foizga), «Tenge bank» (2,5 foizdan 3,6 foizga), «Hayot bank» (0,9 foizdan 1,7 foizga) va “Uznasbank” (2,9 foizdan 3,6 foizga) alohida qayd etildi. Shuningdek, TBC Bank, Mikrokredit bank, Anor bank, Asakabank va Davr bankda ham NPL ko‘rsatkichining o‘sishi kuzatildi.