Toshkent, O‘zbekiston (UzDaily.uz) — Statistika agentligi ma’lumotlariga ko‘ra, 2024-yilning yanvar-noyabr oylari davomida O‘zbekiston 68 684 ta yengil avtomashina import qildi. Umumiy import qiymati $1,18 mlrdni tashkil etdi.

O‘zbekiston yengil avtomobillarning asosan Xitoydan import qildi. Xitoydan 11 oy mobaynida O‘zbekistonga 55 703 ta mashina olib kelingan.

Ikkinchi o‘rinni Janubiy Koreya egalladi, bu yerdan 11 266 ta mashina import qilindi. Uchinchi o‘rinda esa AQSH joylashib, 633 ta avtomobil yetkazib berildi.

Shuningdek, hisobot davrida Hindistondan 577 ta, Yaponiyadan 152 ta va boshqa davlatlardan 353 ta yengil avtomashina import qilingan.