Toshkent, O‘zbekiston (UzDaily.uz) — 2025 yilning dastlabki ikki oyi davomida O‘zbekiston 1 581 tonna olma eksport qildi. Bu 934,6 ming AQSH dollariga teng tushumni tashkil etdi. Bu haqda Milliy statistika qo‘mitasi xabar berdi.

Bu ko‘rsatkich o‘tgan yilning mos davriga nisbatan 5,1 barobarga ko‘p — o‘sish 1 272 tonnaga teng bo‘ldi.

O‘zbek olmalari asosan MDH davlatlariga eksport qilingan. Eng yirik importchi davlat sifatida Rossiya qayd etildi — ushbu mamlakat hissasi 1 020 tonnani tashkil qildi.

Ikkinchi o‘rinda Qozog‘iston — 341,4 tonna, undan keyin Turkmaniston (148,6 tonna) va Mug‘uliston (40 tonna) kelmoqda.

Qolgan mamlakatlar jami 30,9 tonna mevani xarid qilgan.