Toshkent, O‘zbekiston (UzDaily.uz) — 2024-yilning yanvar-noyabr oylarida O‘zbekiston 173,8 ming televizor eksport qildi, deb xabar beradi Statistika agentligi.

Mazkur davrda eksport qilingan mahsulotning umumiy qiymati $33 mln ni tashkil etdi.

O‘zbekiston televizorlarining asosiy importchisi Rossiya bo‘ldi, u yerga 60,7 ming dona televizor yetkazib berildi.

Ikkinchi o‘rinda Ozarbayjon turibdi, u yerga 50,5 ming televizor eksport qilingan. Uchinchi o‘rinda esa Turkiya bo‘lib, u yerga 17,1 ming dona yetkazib berilgan.

Shuningdek, Armanistonga 8 ming dona televizor eksport qilingan. Boshqa davlatlarga esa 5,7 ming dona yetkazib berildi.