Toshkent, O‘zbekiston (UzDaily.uz) — Ozarbayjon Respublikasi Mehnat va aholini ijtimoiy muhofaza qilish vazirligi ishchi guruhi O‘zbekistonda yo‘lga qo‘yilgan xavfsiz, qonuniy va tashkiliy mehnat migratsiyasi tizimidagi tajribani o‘rganish maqsadida Migratsiya agentligiga tashrif buyurdi.

Uchrashuvda mehnat migratsiyasini boshqarish, chet elda ishlayotgan fuqarolarni huquqiy va ijtimoiy  himoyasini taʼminlash, xorijiy ish beruvchilar bilan hamkorlik mexanizmlari atroflicha muhokama qilindi.

Uchrashuv yakuniga ko‘ra, tomonlar tajriba almashish va doimiy muloqotni yo‘lga qo‘yishga kelishib oldilar.