Toshkent, O‘zbekiston (UzDaily.uz) — Nukus shahrida yangi «Jipek Joli Art» mehmonxonasining ochilish marosimi bo‘lib o‘tdi. Mehmonxona 33 o‘rinli bo‘lib, hududda turizmni rivojlantirishga qaratilgan.

Tadbirda Qoraqalpog‘iston Respublikasi Vazirlar Kengashi raisi Farhod Ermanov, O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov, Turizm qo‘mitasi raisi Umid Shodiyev, shuningdek, hududiy ekologiya va turizm sohalari rasmiylari hamda faol tadbirkorlar ishtirok etdilar.

«AYIM TOUR» kompaniyasi tomonidan barpo etilgan ushbu mehmonxona hududdagi turistik infratuzilmani yaxshilashga qaratilgan.