Toshkent, O‘zbekiston (UzDaily.uz) — Qozog‘istonning Logistic Centre kompaniyasi O‘zbekistondan Fransiyaga uran konsentratini Rossiya hududi orqali tranzit yo‘li bilan tashishni amalga oshiradi, deb xabar beradi O‘zbekiston Respublikasi Tovar-xom ashyo birjasi.

Davlat korxonasi “Navoiyuran” kompaniya bilan tegishli shartnomani imzoladi, unga muvofiq 500 ta konteyner Sankt-Peterburg portidan Malveziga yetkaziladi.

Tashiladigan yukning umumiy hajmi 6 ming tonnagacha yetishi mumkin, shartnoma qiymati esa €9 mln deb baholanmoqda.

Transportirovka 2026 yilning birinchi choragi oxiriga qadar amalga oshirilishi rejalashtirilgan.

Shartnomaga muvofiq, kompaniya yukni butun safar davomida saqlash va xavfsizligini taʼminlash majburiyatini o‘z zimmasiga olgan.