Toshkent, O‘zbekiston (UzDaily.uz) — Milliy istiqbolli loyihalar agentligi (MILA) "KOMPRESSORNIY ZAVOD AIR-PROMASH" masʼuliyati cheklangan jamiyatiga qimmatli qog‘ozlar bozorida investitsiya aktivlarini ishonchli boshqaruvchi sifatida professional faoliyat yuritish uchun litsenziya berdi.

Litsenziya ayrim turdagi faoliyatlarni litsenziyalash tartibi to‘g‘risidagi yagona nizom asosida maxsus elektron tizim orqali rasmiylashtirilgan (2022 yil 21 fevraldagi 80-son ro‘yxat).

Yangi litsenziya haqidagi maʼlumotlar qimmatli qog‘ozlar bozorining professional ishtirokchilari elektron reyestriga kiritilgan bo‘lib, u MILAning rasmiy veb-saytida ochiq eʼlon qilingan.

Shu tariqa, kompaniya rasman mijozlarning investitsiya aktivlarini boshqarish huquqini qonunchilik doirasida qo‘lga kiritdi.