Toshkent, O‘zbekiston (UzDaily.uz) — Italiya Bosh vaziri Jorjiya Melonining O‘zbekiston va Qozog‘istonga rasmiy tashrifi keyinga qoldirildi. Bu qaror Papa Fransiskning vafoti haqidagi motamli xabar munosabati bilan qabul qilingani haqida ANSA agentligi Palasso Kidjidagi manbalariga tayangan holda xabar berdi.

Papa Fransiskning dafn marosimi 2025 yil 26 aprel, shanba kuni bo‘lib o‘tadi.

Bosh vazir matbuot xizmati maʼlumotiga ko‘ra, ilgari juma kundan yakshanbagacha bo‘lib o‘tishi rejalashtirilgan tashrif yaqin haftalarga ko‘chiriladi, aniq sanasi esa keyinroq eʼlon qilinadi.