Toshkent, O‘zbekiston (UzDaily.uz) — “Toshkent” fond birjasi boshqaruvi Ipoteka kreditlarini qayta moliyalash kompaniyasi obligatsiyalarining yangi emissiyasini savdoga qo‘yishga ruxsat berdi, deb xabar bermoqda birjaning rasmiy sayti.

Obligatsiyalar Bond Market ro'xatiga IQMK3V4 belgisi ostida kiritilgan. Har birining nominal qiymati 1 million so‘m bo‘lgan 250 ming dona obligatsiyadan iborat.

Obligatsiyalarning kupon stavkasi har chorakda to'lanadigan foizlar bilan yillik 19% qilib belgilangan. Qimmatli qog'ozlarning muomala muddati 1094 kunni tashkil etadi, bu uch yilga teng.